Глaсъ є7. Вт0рникъ
Въ понедёльникъ вeчера, на ГDи воззвaхъ, стіхи6ры покаsнны, глaсъ є7:
Под0бенъ: Рaдуйсz п0стникwмъ:
Стjхъ: Ѓще беззакHніz нaзриши гDи, гDи, кто2 постои1тъ; ћкw ў тебE њчищeніе є4сть.
Ўвы2 мнЁ прогнёвавшему тS, млcтиваго бGа моего2 и3 гDа! Коли1жды њбэщaхсz покazтисz хrтE, и3 л0жъ њбрэт0хсz несмhсленный! Пeрвую ќбw крещeніz њкалsхъ nдeжду, завётъ же м0й, и4же къ тебЁ, њстaвихъ: и3 втор0е сіE пaки завэщaніе, є4же и3сповёдахъ ти2 пред8 ѓгGлы и3 человёки, w4бразомъ плачeвнымъ њдёzнъ: є3г0же tложи1въ пр0чее, сп7се, до концA не њстaви менE поги1бнути.
Стjхъ: И$мене рaди твоегw2 потерпёхъ тS гDи, потерпЁ душA моS въ сл0во твоE, ўповA душA моS на гDа.
Кот0рый tвётъ душE nкаsннаz, њбрsщеши въ дeнь сyдный: и3ли2 кт0 тz њсуждeніz nгнS вёчнагw, и3 пр0чихъ мучeній и3збaвитъ; никт0же, ѓще не ты2 самA ўмлcтивиши бlгоутр0бнаго, ѕл†z тво‰ њстaвльши дэ‰ніz, и3 бlгоуг0дно стzжaвши житіE: плaчущи на всsкъ дeнь твои1хъ безмёрныхъ согрэшeній, ±же на всsкъ чaсъ согрэшaеши дёломъ, и3 сл0вомъ, и3 помышлeніемъ, хrтA молsщи, подaти тебЁ совершeнное си1хъ прощeніе.
Стjхъ: T стрaжи ќтренніz до н0щи, t стрaжи ќтренніz, да ўповaетъ ї}ль на гDа.
Да не содержи1тъ менE сп7се, грэх0вный nбhчай влекjй, нижE да њбладaетъ мн0ю бёсъ, при1снw борS, и3 низводS къ в0ли своeй: но и3схити1 мz тогw2 вLчествіz, крёпкою твоeю рук0ю всеси1льне, и3 воцари1сz во мнЁ ты2 чlвэколю1бче. Всег0 же твоего2 бhти мS спод0би, и3 жи1ти по в0ли твоeй сл0ве, и3мёти пок0й въ тебЁ, и3 њбрэсти1 ми њчищeніе и3 сп7сeніе и3 вeлію млcть.
И$ны стіхи6ры п®тeчи: глaсъ и3 под0бенъ т0йже.
Стjхъ: Ћкw ў гDа млcть, и3 мн0гое ў негw2 и3збавлeніе, и3 т0й и3збaвитъ ї}лz t всёхъ беззак0ній є3гw2.
Всего2 прекл0ншасz въ зeмлю, и3 сокруши1вшасz неисцёльнw ўврачyй п®тeче хrт0въ и3 м§нче, прибэгaющаго вёрою въ б9eственный покр0въ тв0й, бlжeнне: тёмже и3 днE стрaшнагw мS и3схити2, в0ньже хощY пред8 суди1щемъ стaти, и3 мyкамъ tдaтисz, молю1сz ти2, тaмошнагw стоsніz и3збaви мS тогдA, ћкw и3мhй дерзновeніе непостhдно мyдре, молS подаю1щаго мjрови вeлію млcть.
Стjхъ: Хвали1те гDа вси2 kзhцы, похвали1те є3го2 вси2 лю1діе.
Свэти1льникъ ты2 сlнца мyдре сhй п®тeче хrт0въ, пресвётлэйшій, во тьмY низпaдшусz безмёрныхъ ѕHлъ, њблистaй ми2 зарю2 свёта, молю1 тz, и3 воздви1гни и3з8 р0ва грэх0внагw, наставлsz мS глaсомъ твои1мъ слaдкимъ: и4же nц7Y дрeвле глaсъ разрэши1вый ржcтв0мъ твои1мъ, нhнэ м0й и3спрaви глaсъ, молю1 тz, ћкw да вёрою и3 люб0вію славосл0влю чlвэколю1бца бGа и3 сп7са, подаю1щаго мjрови вeлію млcть.
Стjхъ: Ћкw ўтверди1сz млcть є3гw2 на нaсъ, и3 и4стина гDнz пребывaетъ во вёкъ.
Б9eственный хрaмъ бhлъ є3си2 бGа живодaвца всёхъ бlжeнне прbр0че, и3 п®тeче, и3 проповёдниче, живyщаго и3мёлъ є3си2 въ сeрдцы. Е#г0же моли2 при1снw во с™hй тв0й хрaмъ прибэгaющихъ, и3 тебE чтyщихъ їwaнне пребогaте, хрaмы д¦а бhти м0лимсz, и3 къ бGу прибли1житисz: ћкw да твоE почитaемъ въ пёснехъ заступлeніе, и3 тeплую мlтву, t негHже б0льши всёхъ человBкъ свидётельствовалсz є3си2 досточyдне.
Слaва, и3 нhнэ, бGор0диченъ: Вeсь t младeнства kви1хсz, грэхи2 неwслaбнw дёлаz: ўzзви1хсz лю1тэ ўм0мъ, и3 nбhчаемъ мн0гимъ въ нeмъ пребhвъ люб0вію, и3 нhнэ сётуz плaчу лю1тыz моеS прeлести, и3 ѕлaгw nбhчаz и3 безyміz, и3 души2 моеS поги1бели: вLчце, не прeзри менE ѕлЁ погибaющаго, но ўщeдривши, всsкагw нахождeніz и3 страстeй и3збaви твои1мъ заступлeніемъ, ћкw да понE на стaрость покaюсz бGу.
Тaже, Свёте ти1хій:
Посeмъ прокjменъ, и3 є3ктеніA.
Тaже, Спод0би гDи въ вeчеръ сeй:
На стіх0внэ стіхи6ры покаsнны. Глaсъ є7:
ГDи, согрэшaz не престаю2, чlвэколю1бію сподоблsемь не разумёю: њдолёй моемY недоумёнію є3ди1ный бlже, и3 поми1луй мS.
Стjхъ: Къ тебЁ возвед0хъ џчи мои2 живyщему на нб7си2. СE ћкw џчи р†бъ въ рукY госп0дій свои1хъ, ћкw џчи рабhни въ рукY госпожи2 своеS: тaкw џчи нaши ко гDу бGу нaшему, д0ндеже ўщeдритъ ны2.
ГDи, стрaха твоегw2 бою1сz, и3 ѕло2 творS не престаю2: кто2 на суди1щи судіи2 не бои1тсz; и3ли2 кто2 и3сцэли1тисz хотS, врачA прогнёваетъ, ћкоже ѓзъ; долготерпэли1ве гDи на нeмощь мою2 ўмлcрдисz, и3 поми1луй мS.
Стjхъ: Поми1луй нaсъ гDи, поми1луй нaсъ, ћкw по мн0гу и3сп0лнихомсz ўничижeніz: наипaче нап0лнисz душA нaша поношeніz гобзyющихъ, и3 ўничижeніz г0рдыхъ.
М§нченъ: Щит0мъ вёры њб0лкшесz, и3 w4бразомъ кrтнымъ себE ўкрёпльше, къ мyкамъ мyжески вдaшасz, и3 діaволю гордhню и3 лeсть низложи1ша с™jи твои2 гDи: тёхъ мольбaми ћкw всеси1ленъ бGъ, мjрови ми1ръ низпосли2, и3 душaмъ нaшымъ вeлію млcть.
Слaва, и3 нhнэ, бGор0диченъ: Ўтоли2 болBзни многовоздыхaющіz души2 моеS, ўтоли1вшаz всsку слeзу t лицA земли2. Тh бо человёкwмъ болBзни tгонsеши, и3 грёшныхъ скHрби разрушaеши: тебe бо вси2 стzжaхомъ надeжду и3 ўтверждeніе, прес™az м™и дв7о.
Тaже, Нhнэ tпущaеши рабA твоего2 вLко: Трис™0е. По Џ§е нaшъ:
Тропaрь с™0му. Слaва и3 нhнэ, бGор0диченъ, во глaсъ тропарS. Посeмъ, є3ктеніA, и3 tпyстъ.
Въ понедёльникъ на повечeріи, канHнъ прес™ёй бцdэ, глaсъ є7:
Пёснь №.
Їрм0съ: КонS и3 всaдника въ м0ре чермн0е, сокрушazй бр†ни мhшцею выс0кою, хrт0съ и3стрzсE, ї}лz же сп7сE побёдную пёснь пою1ща.
Припёвъ: Прес™az бцdе сп7си2 нaсъ.
Д¦ъ сокрушeнъ подaждь ми2 бlгaz, смирeніе сeрдцу, ўмy же чистотY, и3 житію2 и3справлeніе, и3 прегрэшeній њставлeніе, и3 слeзъ и3ст0чники, пренепор0чнаz.
Ви1ждь мою2 бэдY и3 ўмилeніе, и3 дрeвнихъ прегрэшeній и3сцэли2 стрyпы, и3 врeмz ми2 покаsніz дaруй и3 грэхHвъ и3сповёданіе.
Слaва: СебE плaчу прeжде и3сх0да моегw2, помышлsz ѕHлъ мои1хъ бeздну, всенепор0чнаz. Тёмже молю1сz ти2: сн7а твоего2 ўмоли2, и3збaвити мS мyки.
И# нhнэ: И#мyщи покаsніz врeмz, tступи2 t всsкіz ѕл0бы душE моS, и3 зижди1телю твоемY со слезaми возопjй: б9е м0й, сп7си1 мz мольбaми р0ждшіz тS.
Пёснь G.
Їрм0съ: Водрузи1вый на ничес0мже зeмлю повелёніемъ твои1мъ, и3 повёсивый неwдержи1мw тzготёющую, на недви1жимэмъ, хrтE, кaмени зaповэдей твои1хъ, цRковь твою2 ўтверди2, є3ди1не бlже и3 чlвэколю1бче.
Страстeй мои1хъ нач†льницы њб8sша мS, пречcтаz, и3 є4же по w4бразу и3 по под0бію сотворeннаго мS б9ію и3сп0лниша студA: но си1хъ врeда и3збaви мS, во ўмилeніи пою1щаго тS.
Лукaвнw врaгъ ўлови1ти мS тщи1тсz, вёчнующагw плaмене попалeніе показaти мS хотS, пречcтаz: но сегw2 ков†рствіz и3 совёты разори2, да тS слaвлю рaдуzсz.
Слaва: Въ р0въ преисп0дній льсти1внw мS положи1ша мн0гихъ согрэшeній врази2 прaведныхъ: ћкw безпом0щенъ же нhнэ, и3 ўsзвленъ вeсь, призывaю мlтву твою2 вLчце пренепор0чнаz, сп7си1 мz.
И# нhнэ: Въ лёности жи1знь и3жди1хъ nкаsнный, нhнэ къ смє1ртнымъ двeрємъ прибли1жихсz, и3 врaжіихъ навBтъ ўжасazсz, вопію1 ти: и3скушeній си1хъ и3збaви мS, да тS слaвлю сп7сaемь.
Пёснь д7.
Їрм0съ: Б9eственное твоE разумёвъ и3стощaніе, прозорли1вw ґввакyмъ, хrтE, со трeпетомъ вопіsше тебЁ: во сп7сeніе людeй твои1хъ, сп7сти2 пом†занныz тво‰ пришeлъ є3си2.
Ўzзви1хсz стрэлaми грэх0вными, и3 всегw2 тэлесE рaну нhнэ њбношY. Тёмже зовy ти пречcтаz: твои1хъ мlтвъ ск0ростію ћзвы души2 моеS и3сцэли2.
Поми1луй чcтаz, рабы6 тво‰: тебe бо ходaтаицу къ бGу стzжaхомъ, и3 м0лимсz и3збaвитисz всsкіz нyжды и3 вёчнующагw мучeніz.
Слaва: Надeжда и3 щи1тъ и3 ўтверждeніе ты2 мнЁ є3си2 бlгaz, и3 лю1тыхъ и3збавлeніе, и3 просвэщeніе души2 моeй, и3 хвалA, и3 стэнA, и3 держaва.
И# нhнэ: Блyднw расточи1хъ богaтство д0брыхъ дёлъ, є4же ми2 хrт0съ ћкw бlгъ даровA: да не прeзриши u5бо менE пречcтаz nтрокови1це, глaдомъ погибaющаго.
Пёснь є7.
Їрм0съ: Њдэsйсz свётомъ, ћкw ри1зою, къ тебЁ ќтренюю, и3 тебЁ зовY: дyшу мою2 просвэти2 њмрачeнную хrтE, ћкw є3ди1нъ бlгоутр0бенъ.
Ви1ждь вLчце нeмощь смирeнныz моеS души2, и3 пл0ти моеS и3знеможeніе, и3 ўмA моегw2 плэнeніе, и3 ненадeжнаго сп7си1 мz.
БGа, є3г0же родилA є3си2, моли2 всегдA, сп7сти2 всёхъ нaсъ, бцdу тS и3сповёдующихъ, и3 славосл0вzщихъ ржcтво2 твоE, пречcтаz.
Слaва: Кто2 не бlжи1тъ тебE всенепор0чную; творцa бо всегw2 мjра сп7са хrтA и3 є3ди1наго вLку несказaннw родилA є3си2.
И# нhнэ: Струи6 мнЁ низпосли2 слeзъ пречcтаz, и4миже сквє1рны и3 вр†ски грэхHвъ мои1хъ њмhвъ, пою2 мн0жество твоеS бlгости.
Пёснь ѕ7.
Їрм0съ: Неи1стовствующеесz бyрею душетлённою, вLко хrтE, страстeй м0ре ўкроти2, и3 t тли2 возведи1 мz ћкw бlгоутр0бенъ.
Во глубинY вверг0хсz прегрэшeній и3 беззак0ній: но простри2 рyку твою2 всенепор0чнаz, и3 t ѓда возведи1 мz нечazніz.
Мн0жество вёси согрэшeній, и3 пHмыслъ смущaющихъ мS: тёмже ўскори2, и3 и3збaви мS си1хъ, пречcтаz.
Слaва: Пощади1 мz рабA твоего2 вLко хrтE, мольбaми чи1стw р0ждшіz тS, є3гдA х0щеши суди1ти мjру, є3г0же создaлъ є3си2.
И# нhнэ: Во глубинY низвлечeсz прегрэшeній, вLчце чcтаz, душA моS, снёдь бhвши бэсHмъ: тёмже ненадeжнw сп7си1 мz.
ГDи поми1луй, три1жды. Слaва, и3 нhнэ:
Сэдaленъ, глaсъ є7:
Под0бенъ: Собезначaльное сл0во:
Души2 моеS стр†сти многоболёзнєнныz, и3 пл0ти моеS недyги вск0рэ и3сцэли2, ўмA моегw2 блужє1ніz ўстaви, пренепор0чнаz. И# въ тишинЁ п0мысла мlтвы принести2 чи1сты цRю2 всsчєскимъ, спод0би бцdе, и3 и3спроси1ти согрэшeній њставлeніе.
Пёснь з7.
Їрм0съ: Превозноси1мый nтцє1въ гDь плaмень ўгаси2, џтроки њроси2 соглaснw пою1щыz: б9е, бlгословeнъ є3си2.
Е#гдA пріимY во ќмъ м0й безмёстныхъ мои1хъ дэsній мн0жество прегрэшeній, всенепор0чнаz, бою1сz и3 ўжасaюсz: t ни1хже мS твои1ми мlтвами свободи2 дв7о.
Чeрвь неусhпный, и3 џгнь неугаси1мый, и3стаzвaетъ мS всегдA, и3 снэдaетъ мою2 дyшу, да не пріимY си1хъ и3скyса прес™az бцdе.
Слaва: Тьмы2 кромёшніz, и3 стрaшнагw мучeніz, рабA твоего2 и3збaви мS, дв7о всенепор0чнаz, вопію1ща сн7у твоемY: б9е, бlгословeнъ є3си2.
И# нhнэ: Пл0ть ќбw њскверни1хъ срaмными страстьми2, ќмъ же помрачи1хъ сквeрными мhсльми: но ўщeдри чcтаz, и3 сп7си1 мz непотрeбнаго рабA твоего2.
Пёснь }.
Їрм0съ: ТебЁ вседётелю, въ пещи2 џтроцы всемjрный ли1къ сплeтше, поsху: дэлA вс‰каz гDа п0йте, и3 превозноси1те во вс‰ вёки.
ТебЁ бцdе, немощн0е смирeнныz моеS души2 приношY, и3 сeрдца моегw2 неможeніе, и3 ўмA моегw2 прeлесть возвэщaю, твоеS п0мощи просS, дв7о.
Млcтивъ бyди твои6мъ рабHмъ сл0ве, мlтвами р0ждшіz тS, и3 спаси2 пою1щыz: вс‰ дэлA гDнz гDа п0йте, и3 превозноси1те є3го2 во вёки.
Слaва: И$же воли1телz р0ждшаz млcти, поми1луй всёхъ вёрою пою1щихъ: вс‰ дэлA гDнz гDа п0йте, и3 превозноси1те є3го2 во вёки.
И# нhнэ: И#збaви мS кромёшніz тьмы2, и3 неусыпaющагw чeрвіz, бlгaz дв7о: тh бо родилA є3си2 творцA мjру: вс‰ бо є3ли6ка х0щетъ, и3 твори1тъ твои1ми мlтвами.
Пёснь f7.
Їрм0съ: И#сaіе ликyй, дв7а и3мЁ во чрeвэ, и3 роди2 сн7а є3мманyила бGа же и3 чlвёка, вост0къ и4мz є3мY: є3г0же величaюще, дв7у ўбlжaемъ.
БGа, є3г0же родилA є3си2 неизречeннw вLчце чcтаz, моли2 прилёжнw, и3збaвити нaсъ t бёдъ и3 скорбeй, и3 бyдущагw судA стрaшнагw, и3 свётлости с™hхъ є3гw2 спод0би.
Пaче всёхъ согрэши1хъ, преслyшавъ тво‰ зaпwвэди, хrтE, животвHрныz, и3 ўпод0бихсz безсловє1снымъ скотHмъ: но твоеS м™ре сл0ве мlтвами, непокazнна t житіS не и3ст0ргни менE.
Слaва: Ћкw млcти бeздну р0ждшаz сл0ва б9іz, поми1луй бlгaz, всёхъ дyшы под8 кр0въ тв0й прибэгaющихъ: тs бо къ бGу вси2 стzжaхомъ предстaтельницу непостhдну.
И# нhнэ: Њчищeніе и3 њставлeніе прегрэшeній и3спроси2 нaмъ, и3 всёхъ нyждныхъ премэнeніе, и3 житіS и3справлeніе нhнэ чи1сто и3 свэтови1дно: да прославлsемъ бGом™и мн0гую твою2 бlгость.
Тaже, Дост0йно є4сть: И# покл0нъ.
Тaже Трис™0е. По Џ§е нaшъ:
Тропaрь, и3 пр0чее nбhчное, и3 tпyстъ.
Во вт0рникъ ќтра, по №-мъ стіхосл0віи, сэдaльны покаsнны, глaсъ є7:
Судіи2 сэдsщу, и3 ѓгGлwмъ предстоsщымъ, трубЁ гласsщей и3 плaмени горsщу, что2 сотвори1ши душE моS, вед0ма на сyдъ; тогдa бо лю6таz тебЁ предстaнутъ, и3 т†йнаz тво‰ њбличaтсz согрэшє1ніz. Тёмже прeжде концA возопjй судіи2: б9е, њчи1сти мS и3 сп7си1 мz.
Стjхъ: ГDи, да не ћростію твоeю њбличи1ши менE, нижE гнёвомъ твои1мъ накaжеши менE.
Вси2 побди1мъ, и3 хrтA ўсрsщимъ со мн0жествомъ є3лeа, и3 свэщaми свётлыми, ћкw да черт0га внyтрь спод0бимсz: и4же бо внЁ дверeй пости1гнувый, бездёльнw бGу воззовeтъ: поми1луй мS.
Слaва, и3 нhнэ, бGор0диченъ: Стрaнное дв7ы тaинство, мjрови kви1сz сп7сeніе: и3з8 неs бо роди1сz без8 сёмене, и3 пл0тію kви1сz без8 и3стлёніz: всёхъ рaдосте, гDи слaва тебЁ.
По в7-мъ стіхосл0віи, сэдaльны, глaсъ є7:
Е#гдA tкрhютсz дэлA тво‰, q душE моS, тьмaмъ ѓгGлwмъ предстоsщымъ судіи2: кот0рый tвётъ студY њбрsщеши; ѓще не прeжде концA возопіeши слезsщи: согрэши1хъ, бlгjй гDи, поми1луй мS!
Стjхъ: ГDи, да не ћростію твоeю њбличи1ши менE, нижE гнёвомъ твои1мъ накaжеши менE.
На nдрЁ слежY согрэшeній мн0гихъ, њкрадaемь є4смь въ надeжди сп7сeніz моегw2: и4бо с0нъ лёности моеS ходaтайствуетъ души2 моeй мyку: но ты2 б9е, рождeйсz t дв7ы, воздви1гни мS къ твоемY пёнію, да слaвлю тS.
Стjхъ: Ди1венъ бGъ во с™hхъ свои1хъ, бGъ ї}левъ.
М§нченъ: ЧудесA с™hхъ твои1хъ м§нкъ, стёну неразори1му нaмъ даровaлъ є3си2 хrтE б9е: тёхъ мlтвами вBрныz лю1ди тво‰ ўтверди2, ћкw є3ди1нъ блaгъ и3 чlвэколю1бецъ.
Слaва, и3 нhнэ: бGор0диченъ: Ск0рый тв0й покр0въ, и3 п0мощь, и3 млcть, покажи2 на рабЁ твоeмъ: и3 в0лны чcтаz, ўкроти2 сyетныхъ помышлeній, и3 пaдшую дyшу мою2 воздви1гни бцdе: вёмъ бо, вёмъ дв7о, ћкw м0жеши, є3ли6ка х0щеши.
По G-мъ стіхосл0віи, сэдaльны, глaсъ є7:
Под0бенъ: Собезначaльное сл0во:
Во глубинy мz грэхA поп0лзшасz, треволнeніе њбуревaетъ tчazніz: но предвари2 хrтE, ћкw всеси1ленъ, ўпрaвителю всёхъ, и3 ко пристaнищу ти1хому ўстреми2 безстрaстіz, мlтвами твоегw2 п®тeчи, за млcрдіе сп7се, и3 сп7си1 мz.
Е#лісавeтъ непл0дствіz свободи1сz, дв7а же пaки дв7ою пребhсть, є3гдA глaсомъ гавріи1ловымъ во чрeвэ зачaтъ: но предвзыгравaетъ во ўтр0бэ, и4же во чрeвэ дв7и1честэмъ бGа прови1дz и3 вLку, п®тeча їwaннъ, во сп7сeніе нaше воплощaемаго.
Слaва, и3 нhнэ, бGор0диченъ: Ћже цвётъ б9eственный t к0рене прозsбшій, ковчeже и3 свэти1льниче, рyчко всезлатaz, с™az трапeзо, животA хлёбъ носsщи ћкw сн7а твоего2 и3 бGа, моли2 є3го2 со с™hмъ п®тeчею, ўщeдрити и3 сп7сти2, бцdу и3сповёдающихъ тS.
КанHнъ, глaсъ є7, творeніе їHсифово, є3гHже краегранeсіе си1це:
Њчищeніе нaмъ хrтE, прегрэшeніємъ давaй.
Пёснь №.
Їрм0съ: Зeмлю, на ню1же не возсіS, ни ви1дэ с0лнце когдA, бeздну, и4же не ви1дэ нaгу широтA нбcнаz, ї}ль пр0йде невлaжнw гDи, и3 ввeлъ є3си2 є3го2 въ г0ру с™hни твоеS, хвaлzща и3 пою1ща побёдную пёснь.
Њчищeніе ми2 дaруй содёzнныхъ мн0ю сп7се, и3 њслaби ми2 прeжде дaже tсю1ду tити1 ми, њчи1сти мн0гагw гноeніz гDи, њчи1стивый прокажє1нныz: и3 спод0би мS без8 пор0ка предстaти тебЁ, пріити2 хотsщему суди1ти живы6мъ и3 мє1ртвымъ.
Гноeніе, є4же лежи1тъ на nчесёхъ души2 моеS, возбранsющее ми2 зрёти лучи2 тво‰, ±же ћвльсz на земли2 простeрлъ є3си2, сlнце незаходи1мое: сіE њчи1сти сп7се, и3 давaй созерцaти гDи бlгоутр0бне, бlгодaтей твои1хъ свётъ.
М§нченъ: Б0дри бhвше повелёній хrт0выхъ храни1теліе, ўспи1сте врaжію всю2 ѕл0бу страдaльцы бlжeнніи. Тёмже њтzгчaема сн0мъ грэх0внымъ, къ покаsніz, молю1сz, б9eственнэй б0дрости и3 менE воздви1гните.
М§нченъ: Пл0тію сплетaеми бори1телю врагY м§нцы, побэди1сте того2 nрyжіемъ кrтA, и3 кровeй течeніемъ потопи1сте: и3 вэнцы2 побBдныz t бGа пріsсте, воспэвaюще и3 пою1ще побёдную пёснь.
БGор0диченъ: И#збaви мS nбhчаz ѕлaгw, чcтаz дв7о, ўтверди2 на кaмени зaповэдей, колeблема козньми2 вLчце, вeтхагw запинaтелz. И# спод0би менE хrтY ўгоди1ти, д0брэ воспэвaюща и3 пою1ща побёдную пёснь.
Другjй канHнъ Їwaнну п®тeчи, глaсъ є7, творeніе їHсифово, є3гHже краегранeсіе:
Кrти1телю, сію2 мольбY пріими2.
Пёснь №.
Їрм0съ: КонS и3 всaдника въ м0ре чермн0е, сокрушazй бр†ни, мhшцею выс0кою хrт0съ и3стрzсE: ї}лz же сп7сE, побёдную пёснь пою1ща.
ЖитіE њчищeно, жи1знь же невещeственну, показaлъ є3си2 п®тeче, въ вещeственнэмъ тэлеси2: тёмже м0лимъ тS, подражaтелей себЁ содёлай вёрою тS бlжaщихъ.
Бeздну погрузи1вый бlгоутр0біz, хrтA въ рёчныхъ струsхъ, того2 моли2 п®тeче, и3зсуши1ти бeздну ѕHлъ мои1хъ, молю1сz и3 просвэти1ти м0й смhслъ.
П®тeче сп7совъ, покаsніz ми2 вины6 ходaтайствуz, и3спроси2 ўмилeнію дaтисz ми2, тимBніz tмывaющее смрaда грэх0внагw, моли2 чlвэколю1бца, молю1сz ти2.
БGор0диченъ: РодилA є3си2 неизречeннw кромЁ болёзни, є3г0же nц7ъ прeжде вBкъ нетлённw роди2, всепётаz вLчце: є3г0же моли2 сп7сти2 всsкагw врeда къ тебЁ прибэгaющихъ.
Пёснь G.
Їрм0съ: Дви1жимое сeрдце моE гDи, волнaми житeйскими, ўтверди2, въ пристaнище ти1хое наставлsz ћкw бGъ.
Покazтисz тебЁ бGу њбэщавaюсz, и3 пaки согрэшaz, что2 бyду; кaкw kвлю1сz, внегдA сyдиши земли2;
Молє1ніz гDеви принесeмъ, воздохнeмъ, слeзы проліeмъ чисти1тєльныz сквeрнамъ: ћкw да и3збaвимсz тaмw.
М§нченъ: Ўмерщвлeнною мhслію законопрест{пницы, жи1знь лю1бzщіи, ўранsху побэдонHсныz м§нки, и3сповёдающыz хrтA.
М§нченъ: Ли1цы м§нчестіи, ликHмъ сопричтaшасz ќмныхъ ѓгGлъ: и3 равноaгGльніи бhвше, бlгодaтію б9eственнагw д¦а.
БGор0диченъ: Покаsніz вратA нhнэ ми2 tвeрзи, вратA свёта, дв7о: вх0ды же страстeй затвори2 смирeнныz моеS души2.
И$нъ
Їрм0съ: Водрузи1вый на ничес0мже зeмлю повелёніемъ твои1мъ, и3 повёсивый неwдержи1мw тzготёющую, на недви1жимэмъ хrтE, кaмени зaповэдей твои1хъ, цRковь твою2 ўтверди2, є3ди1не бlже и3 чlвэколю1бче.
И#сцэлє1ніz приступaющымъ вёрою къ хрaму твоемY, чyдный п®тeче и3сточaz всегдA, и3сцэли2 стр†сти моегw2 сeрдца, молю1 тz, ±же всеoкаsннэ совозрaстшыz ми2 t невнимaніz, всебогaте.
Воздыхaю, и3 рыдaньми содержи1мь є4смь всегдA, помышлsz суди1ще твоE неумhтное, є3ди1не прaведнэйшій судіE: въ нeмже мS, мольбaми кrти1телz твоегw2, неwсуждeнна гDи б9е м0й соблюди2.
Н0вагw и3 вeтхагw ходaтай бhвъ, ходaтайствы б9eственными слaвный п®тeче, њбетшaвшаго мS грэхи2 мн0гими, вопію1 ти, покаsніемъ њбнови2, ћкw да во хвалeніи тS почитaю.
БGор0диченъ: Стaz дв7о м™и, є3ди1на всенепор0чнаz, прегрэшeній пор0ка нaсъ и3змэни2: просвэти2 нaше помышлeніе, сердцA њс™и2, и3 вёчнагw нaсъ и3збaви всёхъ њсуждeніz, м0лимсz.
Пёснь д7.
Їрм0съ: Ўслhшахъ гDи слyхъ тв0й, и3 ўбоsхсz, разумёхъ смотрeніе твоE, и3 прослaвихъ тS є3ди1не чlвэколю1бче.
ГлагHлъ твои1хъ гDи, небрeгъ просвэщaющихъ, тє1мнаz сотвори1хъ дэлA, и3 бою1сz тaмошнzгw стрaшнагw твоегw2 суди1ща.
Вётриломъ б9eственнагw стрaха впери1мъ душeвный корaбль: и3 къ пристaнищємъ покаsніz дости1гнемъ, ѕлhхъ ўбэжaвше треволнeніz.
М§нченъ: Кaплющіz м§нцы слaдости, kви1стесz б9eствєнныz г0ры: и3 рaй бGонасаждeнный, жи1зни дрeво и3мyщій гDа.
М§нченъ: Стрэлsньми с™jи, терпёніz и3 пождaніz, пострэлsсте бори1телей бэсHвъ, и3 вэнцы2 слaвы воспріsсте.
БGор0диченъ: Пречcтаz вLчца, согрэшaющымъ предстaтельница, пaдающымъ б9eственное и3справлeніе, ћкw бGа р0ждшаz слaвитсz.
И$нъ
Їрм0съ: Б9eственное твоE разумёвъ и3стощaніе, прозорли1вw ґввакyмъ, хrтE со трeпетомъ вопіsше тебЁ: во сп7сeніе людeй твои1хъ, сп7сти2 пом†занныz тво‰ пришeлъ є3си2.
Въ вhшнее всели1лсz є3си2 цrтво, ћкw в0инъ и4стиненъ цRS хrтA, кrти1телю: того2 моли2 непрестaннw, лю1ди ўщeдрити чтyщыz тS.
Њс™и2 и3з8 ложeснъ тS гDь, прови1дzй бlгодaрство твоегw2 сeрдца, бlжeнне: того2 моли2 всёхъ нaсъ њс™и1ти, м0лимсz.
Мє1ртвымъ бlговэсти1лъ є3си2 пришeствіе ўмерщвлeнагw нaсъ рaди: того2 моли2 п®тeче, ўмерщвлeнаго и3 менE грэхми2 њживи1ти, и3 сп7сти1 мz.
БGор0диченъ: Поми1луй мS є3ди1на пренепор0чнаz, ћже млcтиваго бGа премн0гою бlгостію несказaннw р0ждшаz, и3 и3збaви вёчныz мyки.
Пёснь є7.
Їрм0съ: Nкаsнную дyшу мою2, нощеборю1щуюсz со тьм0ю страстeй, предвари1въ ўщeдри, и3 возсіsй мhсленное сlнце днесвётлыz ѕвэзды2 во мнЁ, во є4же раздэли1ти н0щь t свёта.
T дёлъ нёсть мнЁ сп7сeніz, мн0гw бо на земли2 nкаsнный согрэши1хъ, и3 трепeщу стрaшнагw суди1ща твоегw2, є3гдA њсуди1ти х0щеши б9е, престyпники твои1хъ зaповэдей.
Кaкw безyменъ бhхъ; кaкw њмрачи1хсz творS дэлA ѕл†z; кaкw не разумёхъ стрaха твоегw2 хrтE; въ зeмлю поник0хъ, и3 ўпод0бихсz скотHмъ безсловє1снымъ: но њбрати1 мz б9е всsческихъ.
М§нченъ: Џблакъ м§нкъ разгнA џблаки г0рькихъ мyкъ: и3 њзари1ша дeнь и4стиннагw рaзума, и3 многоб0жіz мглY разруши1ша, и3 къ незаходи1мому свёту достиг0ша.
М§нченъ: Њс™и2 ќмъ м0й мольбaми с™hхъ м§нкъ твои1хъ хrтE, молю1сz, и3 покажи2 просвэщeніz и3сп0лнена, и3 вёчнэй слaвэ причaстника, да слaвz пою1 тz сп7се.
БGор0диченъ: БGа неизречeннымъ сл0вомъ, дв7о м™и родилA є3си2 нaмъ, всBмъ покаsніе даю1ща многосогрэши1вшымъ, ходaтайствомъ твои1мъ бlги1мъ, прибёжище вBрнымъ и3 пристaнище.
И$нъ
Їрм0съ: Њдэsйсz свётомъ ћкw ри1зою, къ тебЁ ќтренюю, и3 тебЁ зовY: дyшу мою2 просвэти2 њмрачeнную хrтE, ћкw є3ди1нъ бlгоутр0бенъ.
Породи2 непл0днаz ўтр0ба тS п®тeче, непл0днаz t д0брыхъ дэsній сердцA, бlгоч†днаz показyющаz, бlгопл0дными твои1ми словесы2: тёмже тS ўбlжaемъ.
Процвёлъ є3си2 ћкw бlгоухaнный крjнъ, приснобlжeнне въ пустhнzхъ. Тёмже вопію1 ти: души2 моеS п®тeче, всsко ѕлосмрaдіе ѕл0бы tжени2.
Зак0на посредЁ стaлъ є3си2, премyдре, и3 бlгодaти. Тёмже взывaю: побэждaема мS грэх0внымъ п®тeче, зак0номъ ўщeдри, nкаsннэ бёдствующаго.
БGор0диченъ: ВратA непроходи6маz слaвы пречcтаz, tвeрзи ми2 вратA покаsніz, ходaтайствующаz ми2 б9eствєнныz вх0ды, и3 тaмошнzгw пок0ища.
Пёснь ѕ7.
Їрм0съ: Ћкоже прbр0ка t ѕвёрz и3збaвилъ є3си2 гDи, и3 менE и3з8 глубины2 несодержи1мыхъ страстeй возведи2, молю1сz, да приложY призрёти ми2 къ хрaму с™0му твоемY.
СE врeмz њбращeніz, и3 ѓзъ низлежY взнaкъ при1снw, нечyвствіемъ мн0гимъ всегдA содержи1мь: њмрачeніе сeрдца моегw2 сл0ве, разрэши1въ ўщeдри мS.
Стенsща мS, ћкоже и3ногдA мытарS ўщeдри, бlгоутр0бне хrтE. И# ћкоже блудни1цу тeплэ слези1ти спод0би: да tмhю и3 ѓзъ тимёніе мн0гихъ мои1хъ прегрэшeній.
М§нченъ: Великом§нцы хrтHвы, вельми2 согрэши1вшаго, вели1кагw плaмене и4же въ геeннэ, тaмw њжидaющагw мS и3схити1те, да вельми2 и3 ѓзъ вaшу пaмzть слaвлю всегдA.
М§нченъ: Подвизaвшесz д0брэ, свётлw вэнчaшасz твои2 страдaльцы, живоначaльною десни1цею твоeю, б9е и3 гDи: си1хъ чcтнhми мольбaми сп7си2 вс‰ лю1ди тво‰.
БGор0диченъ: БGорaдованнаz сёне њсщ7eніz, чcтнhй ковчeже, свэти1льниче б9eственнагw свёта, хлёба жив0тнагw трапeзо, сл0ва палaто њдушевлeннаz, хрaмъ мS д¦у покажи2.
И$нъ
Їрм0съ: Неи1стовствующеесz бyрею душетлённою, вLко хrтE, страстeй м0ре ўкроти2, и3 t тли2 возведи1 мz, ћкw бlгоутр0бенъ.
Неизречeнными лучaми сіsz, п®тeче хrт0въ, дётельною мlтвою твоeю њзарsй сердцA, бlгочeстнw хвaлzщихъ тS.
Лёностнымъ сн0мъ њдержи1ма мS, п®тeче хrт0въ њзари1въ бlгодaтію, воздви1гни ўсeрднw б9eствєннаz твори1ти хотBніz.
T всsкіz ск0рби сопроти1вныz и3збaви нaсъ, предстaтелz б9eственнаго тS стzжaвшихъ и3 мlтвенника ко вLцэ, бlжeнне.
БGор0диченъ: Бyрz смущaетъ мS грэх0внаz, бцdе пречcтаz, потщи1сz и3збaвити мS, вводsщи къ пристaнищу покаsніz, всенепор0чнаz.
Пёснь з7.
Їрм0съ: NгнS гаси1лище nтрокHвъ мlтва, њрошaющаz пeщь проповёдница чудесE, не њпалsющи, нижE сожигaющи пэсносл0вцы бGа nтє1цъ нaшихъ.
БеззакHніz мо‰ и3 непр†вды мо‰, безчи1слєннаz согрэшє1ніz хrтE прости2, и3 бyдущіz и3збaви мS мyки, за мн0жество твои1хъ щедр0тъ, б9е.
Ћкw блyдный нhнэ и3жди1хъ богaтство, є4же пріsхъ, и3 глaдомъ тaю, б9eственнагw брaшна лишaемь: кaющасz сп7се, пріими2, и3 сп7си1 мz.
М§нченъ: Мeртва содёласте борю1щаго врагA, ўдесы2 ўмерщвлsеми мн0гими мyками, досточyдніи гDни м§нцы: тёмже вёрніи бlгочeстнw воспэвaемъ вaсъ.
М§нченъ: БэсHвскіz полки2, мучи1телей всE мн0жество, стрэлsньми, м§нцы ўрaнисте, терпёніемъ же и3 д0блестію, и3 къ животY и4стинному нhнэ преложи1стесz.
БGор0диченъ: Пристaнище сп7си1тельное показaсz всBмъ, чcтаz, страстeй бyрю ўтишaющи, и3 къ тишинЁ всёхъ приводsщи, бGороди1тельнице чcтаz, и5же на земли2 смирє1нныz.
И$нъ
Їрм0съ: Превозноси1мый nтцє1въ гDь, плaмень ўгаси2, џтроки њроси2, соглaснw пою1щыz: б9е, бlгословeнъ є3си2.
Словесы2 м0лимъ тS, и4же сл0ва п®тeчу, џ§ій ћкоже разрэши1лъ є3си2 глaсъ въ рождeніи, разрэши2 сётей нaшихъ прегрэшє1ніz.
Сlнце многосвётлое, возсіsй покаsніz ми2 сп7си1тельное сіsніе: и3 тьмы2 мS и3збaви страстeй смущaющихъ помрачeнное моE сeрдце.
Непл0дну дyшу стzжaхъ, и3 сeрдце безчaдно, непл0дове б9eственное прозzбeніе, плоды2 покаsніz прозzбaти ми2 кrти1телю хrт0въ, моли2 непрестaннw.
Рaвна роди1телю сн7а слaвимъ, и3 д¦а с™aго, трbцу нераздёльну б9eственнэ пою1ще: б9е, бlгословeнъ є3си2.
БGор0диченъ: Млaдо родилA є3си2 nтрочA всенепор0чнаz, хrтA, њбновлeніе нaше содёловающаго, њбетшaвшихъ дрeвнимъ преступлeніемъ.
Пёснь }.
Їрм0съ: ЃгGлwвъ с0нмъ, человёкwвъ соб0ръ, цRS и3 зижди1телz всёхъ, сщ7eнницы п0йте, бlгослови1те леvjти, лю1діе превозноси1те во вс‰ вёки.
СE возсмердёша и3 согни1ша души2 моеS р†ны, хrтE, и3 пострадaхъ и3 смири1хсz tню1дъ: лэчьбaми покаsніz, сп7се, ўврачyй мS.
Льсти1внw ѕмjй мS лукaвнэйшій под8укрaдъ, ѕHлъ и3сп0лни, и3 воздыхaz зовY: не tри1ни менE сл0ве, њсуждeннаго и3 смирeннаго.
М§нченъ: Не ўклони1стесz лyчшагw стоsніz, кrтныz же враги2 всехвaльніи, ћкw запsти вaмъ непщевaвшыz низложи1сте, и3 до концA премyдріи побёждше.
М§нченъ: Вaсъ прехвaльніи гDни м§нцы, ни џгнь, ни мeчь, ни ѕвёріе, ни глaдъ, ни колeсъ раздроблeніе, нижE мyка и4на возм0же разлучи1ти t хrтA чlвэколю1бца.
БGор0диченъ: ЃгGлwвъ похвалA, и3 человёкwвъ сп7сeніе, и3 спорyчница бyди ми2 м™и б9іz: ћкw да њбращyсz, и3 пріимY разрэшeніе прeжде согрэшeнныхъ, въ вёдэніи и3 не въ вёдэніи.
И$нъ
Їрм0съ: ТебЁ вседётелю, въ пещи2 џтроцы всемjрный ли1къ сплeтше поsху: дэлA вс‰каz гDа п0йте, и3 превозноси1те во вс‰ вёки.
Соб0ръ людeй струsми їoрдaнскими и3змывaеши, проповёдуz покаsніе вели1кій п®тeче. Тёмже вопію1 ти: страстeй мои1хъ струю2 и3зсуши2, и3ст0чники ми2 слeзъ посылaz.
Трепeщущи бyди всS, помышлsющи душE суди1ще вседержи1телево, вопіS: щeдре, кrти1телz твоегw2 рaди, ўщeдри и3 сп7си1 мz, и3 мyкъ и3збaви.
ЎстнЁ нечи1сты и3 њскверни1вшійсz љзhкъ дви1жу ти2 на молeніе, с™е п®тeче: потщи1сz вск0рэ, помози2 ми2, всsкими прил0ги лестцA непрестaннw колeблему.
Трbченъ: Њдожди2 нaмъ џ§е, и3 сн7е, и3 дш7е, трbце є3диносyщнаz, согрэшeній њставлeніе, ћкw да получи1вше совершeнное сп7сeніе, тS превозн0симъ во вс‰ вёки.
БGор0диченъ: ВознеслA є3си2 нaсъ выс0кимъ твои1мъ ржcтв0мъ, t р0ва падeній бGорaдованнаz: тёмже тS глaсы бlгодaрными, вёрою nтрокови1це воспэвaемъ во вс‰ вёки.
Тaже, поeмъ пёснь бцdы: Вели1читъ душA моS гDа: И# покл0ны.
Пёснь f7.
Їрм0съ: Ћкw сотвори2 тебЁ вели1чіz си1льный, дв7у ћвль тS чи1сту по ржcтвЁ, ћкw р0ждшую без8 сёмене своего2 творцA: тёмъ тS бцdе величaемъ.
Да твоE величaю долготерпёніе ї}се, долготерпи2 и3 є3щE на мнЁ, и3 не посэцы2 менE ћкоже непл0дную смок0вницу, взывaю ти2: ћкw да покаsніz плоды2 принесY тебЁ.
К0ль стрaшенъ є3си2, є3ди1не держaвный и3 си1льный; и3 кто2 проти1ву постои1тъ твоемY стрaшному прещeнію, є3гдA х0щеши на судЁ сaмъ сэдёти; въ нeмже мS соблюди2 неwсуждeнна.
М§нченъ: Тэлє1сныz болBзни болёзньми б9eственными вaшими и3з8имaете гDни страдaльцы: тёмже и3сцэли1те души2 моеS стр†сти лютёйшыz, ћкw сyще врaчеве и3скyснэйшіи.
М§нченъ: С0лнечныхъ лyчь блистaетъ мн0жае, вaшихъ рaка мощeй, зари2 б9eственныz бlгодaти: и3 просвэщaетъ сердцA, и3 њзарsетъ дyшы, вёрою стrтотeрпцы восхвалsющихъ вaсъ.
БGор0диченъ: Свэтови1дный џблакъ, предводsщій нHвыz лю1ди къ земли2 њбэтовaніz, вои1стинну бGобlгодaтнаz kви1ласz є3си2, и3 вратA ввод‰щаz къ жи1зни. Тёмже тS бцdе величaемъ.
И$нъ
Їрм0съ: И#сaіе ликyй, дв7а и3мЁ во чрeвэ, и3 роди2 сн7а є3мманyила, бGа же и3 человёка, вост0къ и4мz є3мY: є3г0же величaюще, дв7у ўбlжaемъ.
СE бlголёпіе твоегw2 хрaма, ћкw нб7о познавaетсz на земли2, п®тeче хrт0въ, в0ньже приходS зарsми б9eственными њсвэщaеши, по вс‰ дни6 тS нhнэ въ нeмъ бlжaщыz.
Ћкw сhй и4скренній вLцэ дрyгъ кrти1телю, люби1ти ми2 є3го2 прaвымъ нрaвомъ неукл0ннw, всебlжeнне, ўкрэпи2, и3 страстeй тлетв0рныхъ возгнушaтисz порэвaющихъ мS къ поги1бели.
Ты2 не бhлъ є3си2 тр0сть, проти1вными вётры премyдре колeблема, но нaше б9eственное ўтверждeніе, и3 непоколeблемо цRкве ўкрэплeніе: ю4же твои1ми мlтвами соблюдaй непрекл0нну, ўтолsz всsкій соблaзнъ.
Зижди1телево при двeрехъ пришeствіе: что2 ќбw не плaчеши себE, nкаsннаz душE, живyщи въ небрежeніи; возни1кни и3 возопjй гDеви: пощади1 мz сп7се, мольбaми п®тeчи, ћкw чlвэколю1бецъ.
БGор0диченъ: Свэтон0снаz колесни1ца сlнца kви1ласz є3си2 вои1стинну, возсіsвшагw t твоeю всенепор0чнаz чcтаz бокY, и3 разрyшшагw прeлести лю1тую тьмY. Тёмже по д0лгу тS вёрою ўбlжaемъ.
Тaже, Дост0йно є4сть: И# покл0ны
И# є3ктеніA мaлаz. Тaже свэти1ленъ, и3 pалмы2 nбы6чныz.
На стіх0внэ стіхи6ры покаsнны, глaсъ є7:
Мн0жєства прегрэшeніи мои1хъ прeзри гDи, и4же t дв7ы рождeйсz, и3 вс‰ њчи1сти беззакHніz мо‰, мhсль ми2 подаsй њбращeніz, ћкw є3ди1нъ чlвэколю1бецъ, молю1сz: и3 поми1луй мS.
Стjхъ: И#сп0лнихомсz заyтра млcти твоеS гDи, и3 возрaдовахомсz, и3 возвесели1хомсz: во вс‰ дни6 нaшz возвесели1хомсz, за дни6, въ нsже смири1лъ ны2 є3си2, лBта, въ нsже ви1дэхомъ ѕл†z, и3 при1зри на рабы6 тво‰, и3 на дэлA тво‰, и3 настaви сhны и4хъ.
Ўвы2 мнЁ, комY ўпод0бихсz ѓзъ; непл0днэй смок0вницэ, и3 бою1сz проклsтіz съ посэчeніемъ: но нбcный дёлателю хrтE б9е, њлzденёвшую мою2 дyшу плодон0сну покажи2, и3 ћкw блyднаго сhна пріими1 мz, и3 поми1луй мS.
Стjхъ: И# бyди свётлость гDа бGа нaшегw на нaсъ, и3 дэлA рyкъ нaшихъ и3спрaви на нaсъ, и3 дёло рyкъ нaшихъ и3спрaви.
М§нченъ: Стrтотeрпцы твои2 гDи, чинHмъ ѓгGльскимъ подражaтеліе, ћкw безпл0тніи мyки претерпёша, и3 є3диномhсленно ўповaніе и3мyще, њбэщaнныхъ бл†гъ наслаждeніе: мlтвами и4хъ хrтE б9е, ми1ръ мjрови твоемY дaруй, и3 душaмъ нaшымъ вeлію млcть.
Слaва, и3 нhнэ, бGор0диченъ: Њбрaдованнаz, ходaтайствуй твои1ми мlтвами, и3 и3спроси2 душaмъ нaшымъ мн0жество щедр0тъ, и3 њчищeніе мн0гихъ прегрэшeній, м0лимсz.
Тaже, Бlго є4сть и3сповёдатисz гDеви: Трис™0е. По Џ§е нaшъ:
Тропaрь. Тaже є3ктеніA, и3 чaсъ №-й, и3 pалмы2 nбы6чныz, и3 пр0чее, и3 tпyстъ.
Во вт0рникъ бlжє1нны, глaсъ є7:
Разб0йникъ на кrтЁ бGа тS бhти вёровавъ хrтE, и3сповёда тS чи1стэ t сeрдца: помzни1 мz гDи, вопіS, во цrтвіи твоeмъ.
Стjхъ: Бlжeни и3згнaни прaвды рaди, ћкw тёхъ є4сть цrтво нбcное.
Ћкоже њправдaлъ є3си2 хrтE блудни1цу, плaкавшуюсz t всеS души2: тaкожде и3 менE вLко, tчazвшагосz t всsкагw и3схити2 бlже мучeніz, молю1сz.
Стjхъ: Бlжeни є3стE, є3гдA пон0сzтъ вaмъ, и3 и3зженyтъ, и3 рекyтъ всsкъ ѕ0лъ глаг0лъ, на вы2 лжyще менE рaди.
Предтeкшаго хrтY, и3 ўгот0вавшаго пути6 бlг‡z, да ўбlжи1мъ їwaнна соглaснw: ћкw да тогw2 б9eственными мlтвами t прегрэшeній и3збaвимсz.
Стjхъ: Рaдуйтесz и3 весели1тесz, ћкw мздA вaша мн0га на нб7сёхъ.
М§нченъ: И%же чaшу хrт0ву и3спи1вше м§нцы ўсeрдною душeю, мyтныхъ нaсъ грэхHвъ и3 недyгwвъ, њдождeньми б9eственныхъ мlтвъ и3збaвите с™jи.
Слaва, трbченъ: Непостижи1мый б9е, всеси1льнаz трbце и3 є3ди1нице, мlтвами п®тeчи твоегw2 сп7си1 мz, и3збавлsющи тьмы2, и3 плaмене предлежaщагw ми2.
И# нhнэ, бGор0диченъ: ВсегдA лукaвыми дв7о, дэsньми њсквернsемь, тS несквeрную вLки м™рь молю2: сквeрны мS всsкіz њчи1сти вLчце.
